Вчера, 12 септември, со дегустации на македонски вина и храна, тимот на ВИНОПЕДИА стартува серија настани чијашто цел е промоција на изработката на првата винска енциклопедија. Македонија е прва земја на Балканот во која на иницијатива од приватниот сектор е започната подготовка и создавање на македонска винска енциклопедија Винопедиа (анг. Vinopedia), која ќе биде достапна и на македонски и на англиски јазик, во дигитална и во печатена форма. Како што откри Здравко Јосифовски, од тимот на Винопедија, печатеното издание од винската енциклопедија е планирано треба да стане достапно напролет во 2024 година, додека електронското издание на енциклопедијата, најавено за ноември, е веќе во предпродажба на Amazon.

Еден од најинвазивните видови во светот – црвената огнена мравка, има воспоставено колонии во Европа, предупредуваат научниците. Мравите со латинско име Solenopsis invicta се агресивен вид со потекло од Јужна Америка, но во текот на минатиот век нивното “царство” постепено се прошири и надвор од родните краеви во Бразил, Аргентина и Перу. Огнените мрави денес можат да се најдат во Северна Америка, Азија и ширум Океанија, а сега и во Европа.

Според тим од британски и мексикански истражувачи, еко-туризмот може да го промени однесувањето на кит-ајкулите. Студијата објавена во Scientific Reports, вели дека кит-ајкулите (Rhincodon typus) се однесувале повознемирено во присуство на нуркач околу нив.

286 386 577 668 298 411 128 469 151 667 598 498 812 366. Ова не се 42 броја земени по случаен избор. Оваа количина одговара на бројот на монотони Булови функции во девет димензии. Ова неодамна го утврдија Ленарт Ван Хиртум, компјутерски научник на Универзитетот во Падерборн во Германија, Патрик Де Каусмакер од КУ Левен во Белгија и нивните колеги, по повеќегодишна работа и 1500 часа поминати во пресметки.