Од почетокот на 2021 година, два медицински термина од кардиологија почнаа да се експлоатираат сѐ позачестено во ковид пандемиските вести: миокардитис – воспаление на срцевиот мускул и перикардитис – воспаление на обвивката околу срцето. Официјалниот глобален наратив промовиран од секоја здравствена агенција и мејнстрим медицинска заедница беше и сè уште е дека „ретки и лесни“ случаи на воспаление на срцето навистина може да бидат предизвикани од ковид мРНК вакцините, но дека вирусот SARS-CoV-2 е многу поверојатно да го воспали срцето. Всушност, во една студија е најдено дека релативниот ризик за миокардитис е повеќе од 7 пати поголем кај групата со ковид инфекција отколку во вакцинираната група. Но, дали е тоа навистина точно? Во текот на последните три години, се акумулираа бројни и силни докази кои укажуваат дека, всушност, важи обратното. Да, добро прочитавте: повисока е веројатноста вакцините да предизвикаат воспаление на срцето. Да ги разгледаме тие трудови во форма на проверка на факти за познати тврдења што циркулираат низ јавниот простор.
Тврдење: „Миокардитис е 7 пати поверојатен со ковид отколку со вакцини“
Во ред, но што е со оваа популациска студија од четири нордиски земји (Данска, Финска, Норвешка и Шведска) објавена кон крајот на 2022 година? Вкупно 23 милиони луѓе со 7292 пациенти кои биле примени во болница со нов почеток на миокардитис во периодот 2018-2022 година. Еве што откриле:
Резултати: "Во 2018-2022 година, 7292 пациенти биле примени во болница со нов почеток на миокардитис, при што 530 (7,3%) се категоризирани како миокардитис поврзан со SARS-CoV-2 мРНК вакцинација, 109 (1,5%) како миокардитис поврзан со болеста ковид-19”
Чекајте, што вели? 530 поделено со 109 е приближно 5 пати повеќе случаи на миокардитис по ковид вакцинација отколку по ковид?!
Да бидеме јасни. До средината на 2022 година, повеќе од 80% од нордијците го прележале ковид (по огромниот Омикрон бран кон крајот на 2021 / почетокот на 2022 година) и исто така добиле најмалку една доза ковид вакцина, така што именителите во двете групи се речиси исти. А сепак, 5 пати повеќе случаи на миокардитис во вакцинираната група. Ова е во колизија со официјалниот наратив, нели?
Тврдење: „Сепак, миокардитис кај постарите лица е поверојатен со ковид отколку со вакцини“
Па, истата нордиска студија ја дава следната табела:
Како што покажува табела 1 во трудот, кај луѓе постари од 40 години, имало 190 случаи на миокардитис поврзани со мРНК вакцини наспроти 61 случај поврзани со ковид. Значи, 190/61 е преку 3 пати повеќе случаи на миокардитис кај вакцинираната група отколку во групата со ковид.
Но… Важно е да се забележи дека методот избран за поврзување на случаите на миокардитис со ковид или со ковид вакцината е проблематичен во оваа студија. Во трудот е наведено дека некои луѓе примиле вакцина, добиле ковид и миокардитис во еден интервал од 30 дена. За тие луѓе, миокардитисот бил поврзан со вакцината или со ковид врз основа на тоа што се случило подоцна (вакцина или ковид). На пример, лице кое имало вакцина првиот ден, потоа ковид на 15-тиот ден, и потоа миокардитис на 20-тиот ден, би се сметало за случај на миокардитис поврзан со ковид, иако можеби вакцината го предизвикала. Особено имајќи предвид дека >80% од нордијците биле вакцинирани пред огромниот Омикрон бран кој зарази >80% од луѓето. Оваа опсервација укажува дека бројот на случаи на миокардитис асоциран со ковид е веројатно некоректно надуен.
Тврдење: „Сепак, нема докази дека миокардитисот предизвикан од вакцина предизвикува смрт“
Оваа студија опфати 14 труда кои содржат 28 случаи на обдукција, односно обдукции од 28 срца на луѓе кои починале по вакцинацијата против ковид. Што нашле? Сите 28 срца имале миокардитис предизвикан од вакцина. Не 10%, не 20%, не 50%, туку 100% од срцата имале миокардитис предизвикан од вакцина! Заклучокот на авторите:
“Утврдивме дека сите 28 смртни случаи најверојатно биле каузално поврзани со вакцинацијата против ковид-19 со независна рецензија на клиничките информации презентирани во секој труд. Временската врска, внатрешната и надворешната конзистентност забележана меѓу случаите во оваа рецензија со познат миокардитис предизвикан од ковид вакцината, неговите патобиолошки механизми и поврзаната прекумерна смртност, надополнета со потврда од обдукција, независно судење и примена на критериумите на Бредфорд Хил за севкупната епидемиологија на вакциналниот миокардитис укажува на тоа дека постои голема веројатност за причинско-последична врска помеѓу ковид вакцините и смрт од миокардитис.”
Тврдење: „Сепак, миокардитисот предизвикан од ковид е посмртоносен од миокардитисот индуциран од вакцина“
Систематската рецензија објавена во август 2022 година, разгледува 50 обдукциски студии и 548 срца на пациенти кои починале од или со ковид-19. Еве што нашле во врска со миокардитис:
“Медијаната на пријавената преваленца на екстензивен, фокално активен и мултифокален миокардитис беше 0,0%.”
И покрај тоа што вирусот бил пронајден во ткивото на срцето, тој многу ретко предизвикувал фатален миокардитис.
Ајде да сумираме што најдовме досега:
- Ковидот не предизвикува повеќе воспаление на срцето од мРНК вакцините. Обратно е.
- Ковидот не предизвикува повеќе воспаление на срцето од мРНК вакцините ниту кај постарите лица. Обратно е.
- Има незначителни докази дека ковидот предизвикува фатален миокардитис.
- Постојат силни докази дека вакцините против ковид предизвикуваат фатален миокардитис.
Хм... Ова е целосен пресврт. Но, почекајте, следново тврдење е невозможно да се побие, нели?
Тврдење: „Сепак, ковид предизвикува миокардитис“
Па, не баш. Всушност, веројатно, воопшто не. Постојат две големи популациски студии кои се занимаваат со оваа дилема: дали SARS-CoV-2, односно ковидот предизвикува миокардитис и перикардитис?
Израелската студија (возрасни)
Оваа огромна популациска студија од Израел била спроведена во 2020 година, односно токму во периодот кога постоеше само ковидот, односно кога никој не беше вакциниран. Така, истражувачите споредиле две групи: група од 196 992 возрасни лица со ковид инфекција и контролна група од 590 976 возрасни кои не прележале ковид. Што нашле? Погледнете ги графиците внимателно:
За оние кои не се фамилијарни со толкување графици, да цитираме што заклучиле авторите во овој труд: “Не забележавме зголемена инциденца ниту на перикардитис ниту на миокардитис кај возрасни пациенти кои закрепнале од ковид инфекција.”
Леле! Како е тоа возможно? Зарем американската CDC, светската СЗО и практично сите здравствени агенции во светот не ни кажаа дека ковидот предизвикува миокардитис и перикардитис, односно воспаление на срцето? Зарем нѐ дезинформирале сиве овие години?!
Студијата од Обединетото Кралство (деца и адолесценти)
Огромна студија од Универзитетот во Оксфорд и Универзитетот во Бристол, Англија, евалуираше повеќе од 1 милион англиски деца на возраст од 5 до 11 години и адолесценти на возраст од 12 до 15 години. Вакцинираните деца биле споредени со еднаков број невакцинирани деца. Што откриле научниците:
“И кај адолесцентите и кај децата, миокардитисот и перикардитисот беа документирани само во вакцинираните групи, со стапка од 27 и 10 случаи/милион по првата и втората доза, соодветно.”
Уф! Воспаление на срцето најдено само кај вакцинирани деца. Ако ковид го воспалува срцето повеќе од вакцината, морало да има барем неколку случаи кај невакцинирани деца. Но, да повториме, воспаление на срцето воопшто не е пронајдено кај невакцинирани деца кои имале претходна инфекција со ковид.
Тврдење: „Сепак, мио-перикардитисот предизвикан од вакцина е редок“
Американската агенција за контрола и превенција на болести CDC, стапката на инциденца на миокардитис/перикардитис по ковид мРНК вакцинација ја процени на одвај 12,6 случаи на милион (0,00126%) по втората доза кај млади на возраст од 12-39 години.
Ајде да видиме што е откриено во две студии кои ја мереле стапката на оштетување на срцето по примањето на 2 или 3 дози на мРНК вакцина: една спроведена меѓу адолесцентите и една спроведена меѓу возрасните.
Студијата од Тајланд (адолесценти)
Во август 2022 година, беше објавена проспективна студија од Тајланд. Биле вклучени ученици на возраст од 13-18 години од две училишта, кои примиле 2 дози од ковид вакцината на Фајзер. По првата доза, немало случај на мио-перикардитис. Резултатите се поразителни по втората доза на Фајзер. Кај 7 од 301 дете бил дијагностициран мио-перикардитис. Тоа е стапка од 2,3% или еквивалентно на 1 во 43 тинејџери.
Студијата од Швајцарија (возрасни)
Во ноември 2022 година, беше објавено дека е спроведена студија од Универзитетот во Базел и Универзитетската болница во Базел. Тие ги проучувале ефектите на бустер вакцината против ковид (3 дози од вакцината на Модерна) врз срцевиот мускул. Вклучиле 777 здравствени работници (од кои 540 жени) во Универзитетската болница во Базел кои сакале да примат бустер (трета доза) во декември 2021 година и на почетокот на 2022 година.
На третиот ден по вакцинацијата, истражувачите ја тестирале крвта на вакцинираните лица за концентрацијата на биомаркерот тропонин, кој е поврзан со оштетувањето на клетките на срцевиот мускул: колку повеќе срцеви мускулни клетки умираат, толку е повисоко нивото на срцевиот тропонин. Кај 22 (т.е. 2,8%, од кои 20 жени и двајца мажи), истражувачите всушност детектирале вредности над нормалните граници. Процентот на жени кои покажале оштетување на клетките на срцевиот мускул по третата доза бил 3,7%, додека процентот на мажи бил само 0,8%.
Значи, стапката на миокардитис била 2,8% или 1 во 36 возрасни.
Кога ќе се комбинираат стапките кај адолесцентите и возрасните, добиваме приближно стапка од 2,5% (1 во 40) на мио-перикардитис кај целокупната популација по 2 или 3 дози мРНК вакцини. Кога ќе ја споредиме оваа стапка од 2,5% со проценката на CDC од 0,00126%, добиваме неверојатен сооднос од приближно 2000 пати. Да, CDC ја потценила штетата што мРНК вакцините ја предизвикуваат врз срцата на луѓето за 2000 пати!
Дали сметате дека едно (1) трајно оштетено срце во 40 вакцинирани е редок настан?
Тврдење: „Сепак, мио-перикардитисот предизвикан од вакцина е лесен и брзо поминува“
Ова тврдење е едно од најексплоатираните во вестите и насловите на мејнстрим медиумите. Сепак, бројките кажуваат поинаква приказна. Миокардитисот предизвикан од мРНК вакцина е толку редок (само 2,5% од вакцинираните го стекнуваат) и толку лесен што стапката на смртност во рок од 2 години од неговата дијагноза (2021-2023) е само 3%. Простете ми, ова е горчлив сарказам. Еве што точно откри оваа студија:
“Од 11 август 2023 година, на базата на податоци VAERS се пријавени вкупно 3078 извештаи за миокардитис предизвикан од ковид вакцина (0,3% од сите несакани настани). Од овие извештаи, 76% резултирале со итна помош и хоспитализација, додека 3% завршиле со смрт. Меѓу сите извештаи, 69% од миокардитисот се случил кај мажи.”
Една јапонска студија од јануари 2025 година откри уште повисока стапка на смртност:
“Од друга страна, тежок исход (последици или неоздравување) по почетокот на миокардитисот и перикардитисот е забележан во 11 % (80 случаи) и 8 % (20 случаи) од случаите, соодветно; смртта била пријавена во 11 % (84 случаи) и 5 % (13 случаи), соодветно.”
Дали сметате дека мио-перикардитисот предизвикан од вакцина е лесен ако на 76% од луѓето што го добиле им била потребна итна помош и хоспитализација, ако 3 до 11% од нив починале во рок од 2 години и кој знае уште колку ќе умрат во рок од 5 или 10 години?
