Соединетите американски држави се соочуваат со епидемија на сексуално преносливи болести. Во 2022 година, која е последна година за која има информации, биле регистрирани 2,5 милиони случаи на хламидија, гонореја и сифилис. Американскиот центар за контрола и превенција на болести (CDC) го вклучи алармот по Извештајот за надзор за сексуално преносливи инфекции. Иако извештајот открива дека хламидијата, последните неколку години останува како доминантна инфекција помеѓу сексуално преносливите болести, со регистрирани преку 1 758 000 случаи, она што особено загрижува е порастот на случаите со сифилис. Имено, во последните 5 години бил забележан пораст од 80%, и зголемување за 17% во однос претходната, 2021 година.
