Минатиот четврток, на 14 декември, во просториите на Кинотека на Македонија се одржа промоција на книгата “Телевизиски системи”, во издание на Интернационалниот универзитет „Еуропа Прима“. Ова е трета стручна книга на м-р Милчо Узунов и прва за оваа тема напишана на македонски јазик, што додава дополнителна тежина на значајот на ова дело. Книгата обработува проблематика чиешто познавање ќе им биде од огромна корист на сите што се бават со каква и да е ТВ продукција, а авторот ја обработува од стручен и практичен аспект, нудејќи конкретни, реални примери за ТВ системите.

Во четвртокот, од Сонцето еруптираше огромен сончев блесок. Појавата предизвика умерено радио помрачување во Јужна Америка и креираше спектакуларни појави на поларна светлина во следните неколку дена. Иако ова беше најмоќниот сончев блесок регистриран последниве шест години, експертите велат дека нема да биде последен, а ниту најголем во овој сончев циклус. Имено, активноста на Сонцето се зголемува и, според добар дел од прогнозите, сончевиот максимум треба да го очекуваме некаде во средина на летото 2025 година.

Желбата на човекот да се вивне во височините на небото постоела од секогаш. Но, не сфаќајќи ги природните способности, луѓето верувале дека летањето е божествено својство. Сепак, со развојот на науката и техниката се раѓаат и првите идеи, но и практични обиди за конструкција на уред кој ќе овозможи летање на човекот. Патот трасиран од Леонардо да Винчи, браќата Монголфије, Бланшар, Лилијентал и многу други, конечно на 17 декември 1903 година, доведува до првиот лет со моторно летало од страна на браќата Рајт. Тој датум се смета за почеток на авијацијата и ние денес го славиме нејзиниот 120-ти роденден.

Неодамнешната анализа на податоците од мисијата Касини на НАСА дополнително го консолидираше интересот за можноста дека некоја форма на живот можеби опстојува на сатурновата месечина Енкелад. Откритијата го потврдија присуството на цијанидна киселина, една од основните молекули во потеклото на животот, која беше детектирана во огромната прекривка од мраз и во водената пареа што се пробива низ ледената површина на оваа сатурнова месечина.