Меморијата има лоша “навика” да бледнее со текот на времето. Со изминување на часовите и деновите, ситуацијата што сме ја доживеале, деталите за луѓето кои сме ги запознале, што тие рекле, како биле облечени, стануваат сѐ поматни. Но, се чини дека ова универзално правило не важи толку кога е во прашање сеќавањето за локацијата. Имено, генерално многу добро се сеќаваме каде бил поставен некој предмет, дури и кога забораваме на сè друго. Откритието објавено на bioRxiv може да биде искористено од оние кои ја проучуваат веродостојноста на судските сведочења.

Јапонскиот месечев ровер LEV-1 ја преживеа поларната ноќ на јужниот пол на Месечината и после 14 дена поминати на -130 степени Целзиусови, успеа да се разбуди и да профункционира. Ова овозможи двајца радиоаматери од Битола (Дејан Трајковски – Z31RQ/P и Николче Стојановски – Z32TW/P) конечно да ги примат, односно детектираат слабите сигнали од роверот, на фреквенција од 437,41 MHz. Еве како вчерашниот настан го опишува еден од радиоаматерите, професорот Дејан Трајковски:

15 февруари е роденден на Галилео Галилеј (Galileo Galilei, 1564 – 1642), италијанскиот физичар и астроном и првиот човек кој го насочил телескопот кон небото за вршење на астрономски набљудувања. Првите негови откритија биле во областа на физиката, а неговата дејност во астрономијата започнала кога тој самиот конструирал телескоп во 1609 година.

Само неколку недели откако компанијата Астроботик потврди дека нејзината мисија Перегрин ќе заврши на дното на Тихиот Океан, компанијата Интуитив Машинс од Тексас ќе направи свој историски обид да стане прва приватна компанија што успешно слетала сонда на Месечината. Лансирањето на мисијата IM-1 е закажано за 15 февруари од Вселенскиот центар Кенеди, на Флорида, во раните утрински часови. Лендерот до вселената треба да го однесе ракетата Фалкон 9 на СпејсЕкс.