Колкава е јачината на конопот што се консумира денес наспроти оној што се пушел пред неколку децении? Ова, навидум наивно прашање, е извор на речиси сите главоболки за регулаторите кои се занимаваат со одобрување на еден куп производи-деривати од ова растение но и со првите обиди за легализација на т.н. “рекреативно” консумирање марихуана. A одговорот којшто го посочува една интересна статија неодамна објавена во New Scientist баш и нема многу да им се допадне. Имено, канабисот денес е многу помоќен. Неговата психоактивна моќ и онаа на неговите производи, како што е марихуаната, расте, а со тоа се зголемуваат и можните несакани ефекти.