Оваа слика, симбол на спектакуларноста на природата, која го прикажува врвот на чилеанскиот вулкан Виљарика опкружен со облаци, беше избрана за фотографија на годината 2023-та, на конкурсот за фотографија во организација на Кралското метеоролошко друштво (Royal Meteorological Society).

На 20 октомври 2023 година се навршија точно 50 години од официјалното отворање на Операта во Сиднеј - Австралија. Честа да ја прогласи за отворена ѝ припаднала на кралицата Елизабета Втора, (воедно кралица и на Австралија) на 20 октомври 1973 година. Отворањето, проследено со огномет и изведбата на Деветтата симфонија на Бетовен, беше директно пренесувано од медиумите.

Во Австралија само што не започнала новата фаза клинички испитувања за ветувачки нов третман за сепса за кој истражувачите велат дека може да спаси безброј животи. Новиот третман се нарекува натриум аскорбат – PH избалансирана верзија на витамин Ц – и се доставува во вид на она што научниците го нарекуваат „мега-доза“ во крвотокот. Количината што се доставува со третманот е еквивалентна на витамин Ц од илјадници портокали, значи не се надевајте дека ќе излечите сепса со само неколку таблети витамин Ц.

Европскиот пазар за е-трговија се очекува да достигне 1,5 трилиони долари до 2027 година, тврди GlobalData во новиот истражувачки извештај. Ова значи дека просечната годишна стапка на раст изнесува 9% и дека европскиот раст малку заостанува зад глобалната стапка на пораст, која GlobalData ја проценува на 9,5 %. Фирмата за податоци и аналитика предвидува дека глобалните трошоци за е-трговија ќе достигнат 9,3 трилиони долари во 2027 година, наспроти достигнатите 5,9 трилиони долари во 2022 година. Ова претставува вкупен раст од нешто помалку од 60% за период од само пет години!