Иако плановите за изработка на уред со кој широките народни маси ќе можат да снимаат висококвалитетни дигитални снимки се постари од оние за производство на CD плеерот, на појавата на други дигитални формати морало да се чека доста долго. Првата комерцијална примена на вселенската технологија вообличена во PCM (Pulse Code Modulation) составот за дигитално кодирање и декодирање на звук датира уште од 1977 година и со незначителни промени егзистира до денешен ден.

Стереото сега е стандард за музичките уреди. Секој стерео уред има 2 канала - лев и десен. Но, ако стерео уредот се напојува со моно сигнал, тогаш не може да се чуе користа од двата канала. За жал постојат многу снимки кои се снимани во моно техника. Исто така повеќето ТВ куќи кај нас емитуваат моно сигнал. Во текстот што следи обработен е еден претворувач од моно во стерео.

Кај многу читатели постои недоверба кон шемите и проектите објавени во некое списание или книга, а тоа посебно доаѓа до израз ако станува збор за домашно издание. ЕМИТЕР, како прво македонско списание за електроника е подложен на ваква недоверба многу повеќе отколку што е вообичаено, па затоа сметам дека е крајно време да разјасниме некои работи во врска со шемите и проектите што ги објавуваме.

Апликацијата се состои од електрична шема на далечинско управување кое може да се активира и деактивира со помош на светлосен сноп од батериска лампа. Колото е конструирано со интегрираниот Ј-К флип-флоп SN7473N, при што е искористен само првиот флип-флоп.