Можноста со исклучителна леснотија да се надминат секогаш фрустрирачките градски сообраќајни метежи, во комбинација со технички достигнувања кои формираат концепциски сосема нов спој на позитивните карактеристики на управувањето со возила со две и четири тркала е основната идеја на најновиот Реноов пристап во создавањето на урбано патничко возило за 21-от век.

Првичната импресија, која се добива веднаш по површното разгледување нз расположливите информации, е дека категоризирањето на ова летало, како и процесот на неговото именување на конструкторите им задале далеку повеќе потешкотии отколку, да речеме, решавањето на секогаш сложените и макотрпни аеродинамичко-технички проблеми.

Алармот кој е прикажан на овие страници дозволува неколку начини на управување. Секој конструктор ќе си одбере свој начин според потребите и можностите, а ќе може да избира помеѓу далечинска команда, кодирана брава и скриен прекинувач. Алармот можеби ги нема удобностите што ги имаат специјалните фабрички аларми, но ги има сите основни функции што треба да ги поседува за да може да ја изврши својата задача.

На пазарот може да се најдат најразлични приврзоци, пенкала и запалки во кои е вградена светлечка диода (LED) со висока ефикасност. Овие приврзоци (пенкала, запалки) се користат како помошно осветлување во неосветлените влезови кога е потребно да го пронајдеме прекинувачот за светлина, да ја пронајдеме клучалката од вратата, да прочитаме некој натпис на врата или бројот на станот и слично. Но главен недостаток на овие приврзоци е малиот капацитет на батериите кои се користат за напојување.

CMOS – интегрираните кола можат да работат на исто напојување како и стандардните TTL интегрирани кола, што значи 5V. Меѓутоа, иако логиката им е компатибилна, непосредното поврзување на овие интегрирани кола во повеќето од случаите не е можно, бидејќи CMOS колата се напонски елементи, додека TTL колата се струјни елементи.

Замислете ваква ситуација: Сте добиле задача да сработите нешто на компјутер. Ви ја објаснуваат внимателно задачата и програмата со која тоа треба да го направите. Со претпоставка дека во вашата глава се крие исклучително голем мозок, кој секако, го користите само во специјални пригоди – вие сте разбрале сè. Нема проблем.

Болно е кога ќе снема електрична енергија додека пишувате некој текст, програма или внесувате податоци во вашиот PC. Сигурно сте го имале тоа лошо искуство. Резултатот на тоа се оштетени фајлови, изгубени документи, а најмногу од сè нервоза и пропратниот израз "леле...!". Овој пат накратко ќе ве запознаеме со системите за непрекинато напојување на POWERWARE и нивните можности.

За RDS-от веќе е пишувано во ЕМИТЕР (бр. 7-8/99) и тогаш детално беше објаснет начинот на создавањето и емитувањето на RDS сигналот. Во овој текст повеќе ќе се задржиме на објаснување на RDS функциите и придобивките од нивната примена во секојдневното користење на радиоприемниците со вграден RDS декодер.

Во овој напис презентирани се основните типови на пејзажниот диверзитет на Пелистер. Притоа посебно се презентирани позначајните типови на пејзажот и тоа: речен, езерски, крајбрежен, клисурест, пасторален, шумски и планински тип и истите се илустрирани со фотографии. Исто така е потенцирано нивното значење за развојот на еколошкиот туризам кај овој екосистемски комплекс.

Еден од начините за добивање на комплетна, софистицирана, професионална информација за хидрометеоролошките состојби, е користење на услуги во мрежата на сервисот DTN Kavouras. Овој сервис обезбедува "инфраструктура" која го опфаќа целиот процес, од начин за брз пристап до податоци, па до лесна изработка на мултимедијална и тридимензионална презентација.

Државната граница е рамнина која вертикално ја сече Земјината површина и ги дели воздушниот простор и просторот под земја меѓу две држави. Државната граница не е само географски, туку и правен, политички, геодетски, економски, воено - стратегиски и психолошки феномен. Со оглед на тоа што границата на Република Македонија е граница до каде постои нејзиниот државен суверенитет и територијален интегритет, одредувањето и обележувањето на граничната линија е од особено значење.

Денес се верува дека повеќе од 100 000 објекти се наоѓаат во просторот помеѓу Марс и Јупитер – во т.н. "астероиден појас". Дали тие претставуваат остатоци од дамнешна планета која се распаднала или се само "огромни карпи" кои не успеале да се претворат во планета? И каква ли ќе биде иднината на овие небески тела кога до нив ќе стигнат првите астронаути?

За звучните кутии од типот на трансмисиона линија (transmission line – TL) кај аудиофилите владее уверување дека имаат фантастични својства, супериорни над сите други видови звучни кутии. Покрај сите претерувања и бујната фантазија, како и кај секоја бајка, и тука има по некое зрнце вистина. Верувам дека овој проект на звучна кутија од типот на трансмисиона линија ќе им овозможи на аудиофилите да ги дознаат нејзините предности и недостатоци.

Откриен е дел од градот во кој живеел плебсот, народот кој со Александар III Македонски го освои тогашниот свет, сè до Индија. За нивниот висок дострел во културата говорат наодите како што се плоштадот со фонтана, раскошните живеалишта со богати подвижни наоди, две совршено сочувани кади - единствени такви откриени во Р. Македонија и други наоди.

Светскиот трговски центар во Њујорк претставуваше комплекс на згради со две административни кули (кулите-близначки), и уште четири споредни згради (8 до 10 спратни) кои беа распоредени околу кулите и формираа една целина. За Светскиот трговски центар во Њујорк, за двете кули - близначки кои го допираа небото над Њујорк, ќе изнесеме некои интересни детални податоци во однос на димензиите, градбата, функционалноста и сл. кои досега не сте ги знаеле. Секако, и за техничките причини за рушење на кулите по ударот на двата авиони на 11 септември 2001 година.