Чекајќи го со нетрпение новиот број на ЕМИТЕР со второто продолжение на LC-метарот, веројатно повеќепати го препрочитавте текстот и ја разгледавате шемата од претходниот број. И конечно, стигна новиот ЕМИТЕР, со далеку поинтересниот 2. дел - изградба на LC-метарот. Со мала инвестиција, малку искуство, малку знаење, но со многу љубов, желба и наши напатствија, самоуверено зачекорете кон патот на реализацијата - успехот нема да изостане!

Отсекогаш сме се обидувале да ги дознаеме мистериите за тоа како функционира нашиот ум? Како можеме да ја распознаеме интелигенцијата од неинтелигенцијата? Ценетиот професор и коосновач на лабораторијата за вештачка интелигенција при Институтот за технологија, Масачусетс (M.I.T.), Марвин Мински, одговорите на овие прашања ни ги дава во неговото капитално дело "Општеството на умот" (The Society of Mind), што е и наша тема на обработка во овој напис. Она што следи во продолжение е вовед во една од основните но и суштински теории на вештачката интелигенција и како полесно да ги сфатиме елементите на вештачката интелигенција преку едноставно проучување на човечката интелигенција.

Панасоник е една од компаниите кои се најзаслужни за постоењето на големиот зум кај дигиталните фотоапарати од најраспространетата и најпопуларната, компактна класа. Мисијата продолжува и со еден од неговите најнови производи. Се работи за моделот DMC TZ3, 7,2-мегапикселен фотоапарат кој привлекува особено внимание и со својот 3-инчен екран и широкоаголен објектив.

Неколку минути по исклучување на светлото овој електронски уред почнува да завива, а замолкнува кога светлината повторно ќе дојде. Ова е само една од можностите на овој алармен електронски давач, но тој може многу повеќе: предупредува за појава на влага, известува за појава на мраз, известува за состојбата на акумулаторот итн.

Невидливата темна материја е нешто што астрофизичарите го насетиле без да имаат директен доказ за нејзиното постоење. Сепак, темната материја тие ја "уловиле на дело" во судир помеѓу две галактички јата.

Во минатиот број се запознавме со улогата на ладилниците и нивна приближна пресметка. За ефикасно разладување на полуспроводниците, освен тоа што ладилникот треба да има одредени димензии, многу е битен и начинот на кој полуспроводникот се поставува на ладилникот, како и местоположбата на самиот ладилник во кутијата во која е сместен уредот. Тоа е темата на овој напис.

Новата генерација на плазма и LCD телевизори на Панасоник се врвни производи во својот сегмент и се истакнуваат со имплеметацијата на најновите HD технологии, на начин што оваа копманија Hihg Definiton технологијата ја наметнува и како дополнување на стандардите на живеење на современиот човек.

Следејќи ги научните "топ-теми" од 2006 год., објавени во списание Дисцовер, ние ја објавивме ранг-листата на првите 10 највисоко рангирани теми во ЕМИТЕР бр. 4/07, со кусо објаснување на нивната суштина , но и напомена дека некои од нив ќе бидат предмет на поопширни написи во некој од наредните броеви на ЕМИТЕР. Еве ја првата, највисоко рангирана тема.

Ова е нашиот краток водич за астрономи-аматери. Дознајте што, каде и како можете да набљудувате овој месец на нашето небо со помош на голо око, обичен двоглед и аматерски телескоп. Овој месец ќе помине во знакот на доближувањето на Венера и Сатурн.

Дали сте слушнале за Bluetooth безжичната технологија? Таа ви овозможува да се поврзете безжично без разлика каде се наоѓате. Дали сте дома, на работа или во движење Bluetooth ќе ви озвозможи едноставност, ефикасност и ќе ви го олесни секојдневието. Bluetooth технологијата е едноставна за имплементација и употреба, додека уредите се доста евтини. Употребата на оваа технологија допрва ќе се развива и проширува. Можностите се неограничени.