Идниот борбен авион Т-50 ќе поседува стелт карактеристики, суперсонична крстосувачка брзина, суперманеврабилност и можност за скратено полетување и слетување. Т-50 од оружје ќе користи современи прецизно наведувани оружја (од новата генерација) воздух-воздух, воздух-површина и воздух-земја, со кои ќе може ефикасно да дејствува во сите временски прилики, преку ноќ и ден.

Сме биле сведоци, а и ќе бидеме, на многу мисии во вселената. Но, кој е начинот на кој се доаѓа до нивна реализација, и воопшто нивно одобрување? Овој напис дава одговор на овие прашања преку приказната за мисијата New Horizons предвидена за истражување на Плутон.

Messier object 13 претставува најистакнат глобуларен кластер кој се наоѓа на северниот дел од небото, во соѕвездието Херкул. При ведро небо и кога месечината е повлечена е на работ на видливоста со голо око, а низ двоглед се гледа како мал округол, магловит сјај. Содржи околу 300 000 ѕвезди, а неговата светлост е 300 000 пати поголема од светлоста на Сонцето. Се наоѓа на 25 100 светлински години од Земјата. Откриен е во 1714 година од страна на Едмонд Халеј (Edmond Halley).

Сте набавиле најквалитетна опрема. Имате образован, искусен и инвентивен операторски кадар. Без добар мониторинг сето тоа не значи многу. Со други зборови, мониторингот во сите области е многу битен, а во ТВ и РА-продукција, постпродукција и емитување на програмите, може слободно да се рече најважен. Постојат повеќе производители на уреди за мониторинг во рам и портабал верзија, но според квалитетот и за различни буџети. Овој текст претставува само две од тие фирми.

Помина еден подолг период откако во ЕМИТЕР заврши серијата "Сервисирање на ТВ-приемници". На тоа нé потсети нашиот читател Горан Манасиев со предлогот да се обработи темата: влегување во сервисниот мод на ТВ-приемниците. Со овој напис сакаме да се дополни спомнатата серија и да им излеземе во пресрет на сите читатели кои покажуваат интерес за оваа тема.

Полначите за оловни акумулатори се едноставни уреди, најчесто составени само од трансформатор и насочувачки дел. Тие добро ја завршуваат работата, но полнењето треба навреме да се прекине со оглед на тоа дека тие постојано ќе го дополнуваат акумулаторот и може да го оштетат, ако го заборавиме вклучен подолго од потребното.

За звучниците и нивната заштита досега повеќе пати имало пишувано на страниците на ЕМИТЕР. Најголемиот дел од нив се однесувал на заштити што се вградуваат во засилувачите, а многу помалку на оние што се вградуваат во самите звучни кутии. За таквиот вид на заштита еден дел од корисниот сигнал ќе мора да се искористи за напојување на заштитата.

Преносниот компјутер (лаптоп, нотебоок) во ова модерно време на живеење, за повеќето бизнис-корисници веќе претставува незаменлив уред. Ова особено важи за корисниците кои работат со податоци кои мораат постојано да ги имаат пред себе, но и податоци кои многу често и бргу се менуваат. Модерните преносни компјутери со своите перформанси денес можат да се натпреваруваат со десктоп компјутерите во многу области. Деновиве имавме можност да го добиеме на тестирање моделот HP Compaq nx9420.

Уште со појавата на првите персонални компјутери, во областа на производство на процесори главна улога имаше компанијата Интел, која несомнено има голема заслуга во трасирањето на патот за развој во овој сегмент од информатичката технологија. Но, како што на секого му е јасно, конкуренцијата е битен елемент во создавањето на квалитетни решенија во кое било поле на човековото дејствување.

Во завршниов дел од проектот за изработка на мешалката ќе бидат опишани носечката конструкција и заштитната галантерија, начинот на монтажа и подготовка за работа на мешалката. И, за крај, препораки од авторот на што треба да обрнете внимание откако сте се одлучиле за изработка на мешалката.

Откритието на акцелерациската експанзија на вселената отвори прашање за преиспитување на дејството на гравитацијата во екстремна ситуација: кај мали тела на многу блиско растојание.

Сите овие години ЕМИТЕР е присутен во училиштата и образовниот систем на Македонија, но секогаш тоа се базирало на ентузијазмот на одредени наставници, професори и ученици. Поширока употреба на ЕМИТЕР во училиштата не беше можна затоа што ЕМИТЕР немаше одобрение од Министерството за образование и наука, иако во претходните 11 години неколку пати имавме поднесено барање за тоа.