Земјата се здоби со нов геолошки период, којшто зафаќа интервал од пред 770 000 до пред 126 000 години. Тој е откриен од сликата на магнетските линии, според нивната невообичаена ориентација забележана на остатоци од исфрлена вулканска лава наталожена на еден карпест седимент во дамнешното минато време. Имено, таа слика покажува сосем поинаква локација на Земјините магнетски полови во тоа дамнешно минато време. Карпестиот седимент е откриен на брегот на една река во местото Chiba во Јужна Јапонија, и според името на тоа место, новиот геолошкиот период е наречен Chibanian. Тој е неодамна ратификуван од Меѓународното здружение на геолозите, како откритие на нов значаен геолошки период во историјата на нашата планета Земја.