Откако поради повеќе технички проблеми лансирањето закажано за 29 август беше откажано, од НАСА уверуваат дека сите потребни поправки се направени и вториот обид за лансирање треба да биде успешен. Лансирањето е закажано за денес во 20 часот по македонско време, а времето за вклучување во директниот пренос е два часа порано.

Тим од кибер експерти на ФБИ наменет за итни интервенции е веќе на пат кон кон Црна Гора. Нивната задача – да се истражи масивниот, координиран напад врз оваа малата држава и нејзините служби. Ова го објави во средата Министерството за внатрешни работи на Црна Гора откако владините веб-страници, вклучително и оние на министерствата за одбрана, финансии и внатрешни работи, останаа недостапни. Официјални лица изјавиле дека страниците се исклучени “од безбедносни причини“

Додека научниците и ентузијастите за истражување на вселената беа преокупирани со мисијата Артемида 1 што требаша да ја понесе беспилотната капсула Орион во орбита околу Месечината, речиси 'под радар' ќе поминеа новите спектакуларни слики од галаксијата M74 (NGC 628). Овие невидено детални снимки се сведоштво за моќта на вселенските телескопи, особено кога ќе се впрегнат во заедничко набљудување на еден објект во различни бранови должини. Во случајов, податоците од вселенскиот телескоп Џејмс Веб (на НАСА/ЕСА/ЦСА) и од вселенскиот телескоп Хабл (на НАСА/ЕСА) беа комбинирани за да обезбедат целосен приказ на галаксијата.

Ете, конечно дојде и “Д” денот за мисијата Артемида 1. Како што веќе пишувавме, мисијата Артемида I (Artemis 1) го претставува првиот чекор пред долгоочекуваното враќање на астронаутите на Месечината. Овој прв лет од мисијата ќе биде реализиран без човечки екипаж, но е значаен бидејќи е прв лет што ги комбинира новата SLS ракета и капсулата Орион. Одбројувањето е веќе во тек, а масивната SLS ракета ќе се “одлепи” од тлото во прозорецот од 14 часот и 33 минути до 16 часот и 33 минути.