Една, за мене изненадувачка, да не речам разочарувачка информација: вакцините базирани на инактивиран цел вирус (кинеските вакцини) НЕ создаваат клеточен имунитет, обратно од mRNA вакцината на Фајзер, на пример. Значи, додека трае антителниот (хуморален) имунитет – трае, кога ќе престане, нема повеќе заштита и неопходна е ревакцинација. Нема што повеќе да се чека, едноставно нема клеточен имунитет и тоа е тоа. Згора на сè (веќе видовме тука во неколку пати споделениот труд од Nature Medicine), дека титарот на неутрализирачките антитела кај вакцината на Коронавак од производителот Синовак е најмалку 12 пати помал отколку кај mRNA вакцината и многу побргу „бледее“, на сликите 1 и 2 во трудот).

Вчера во организација компанијата PFU, огранокот за скенери и скен опрема од ИТ гигантот Фуџицу, и нивниот локален партнер Неоком беше одржан вебинар на којшто можеше да се дознае нешто повеќе за дигитализацијата, улогата на современите скенери во тој процес и секако, нешто повеќе за омилените модели на скенери од линијата на Фуџицу.

Вчера, на најголемиот настан од областа на информатиката Computex во Тајпеј, беше објавена веста дека компанијата АМД соработува со Самсунг во развојот на новата RDNA 2 графичка технологија наменета за SoC мобилните чиопови Exynos. Крајната цел е да подобрат перформансите на графичките процесори (GPU) во склоп на класичните телефони на Самсунг.

Денес одбележуваме точно 125 години од денот кога Маркони поднел патентна пријава за новиот изум – радиото, и 91 година од раѓањето на американскиот астронаут Пит Конрад, кој беше дел од екипажот на мисијата Аполо 12 и еден од вкупно дванаесетте астронаути кои досега стапнале на Месечината.