Сè посигурно е дека и во Битола е достигнат врвот на пролетниот бран на епидемијата. Ефективниот репродукциски број Rt, седумдневно усреднет, веќе изнесува околу 0,99, а подвижната средина на дневниот број нови случаи (жолтата линија на првиот дијаграм) бележи реско намалување. Затворањето на кафулињата дојде во вистински час, но штета е што моравме да дојдеме дотука без никаква потреба. Од друга страна, ако мерките беа воведени порано, тогаш бројките, иако побавно, сепак ќе растеа, па населението ќе велеше дека кафеаните биле залудно затворени. Вака маркетиншки испаѓа убаво, но платена е превисока цена.

Во денешниот времеплов ги славиме родендените на американскиот биолог Грегори Пинкас и на данскиот архитект Јерн Уцон. Исто така го одбележуваме денот НАСА ги избра првите американски астронаути, и кога беше потпишан договорот за изработка на компјутерот ЕНИАК ...

Се покажа дека моделот на квадратична регресија на десезонираните дневни броеви на нови случаи (со исклучено влијание на деновите од неделата и променливиот број на тестирања) дава најмали доцнења во предвидувањата. Тоа што уште пред една недела за првпат го видовме како претпоставен максимум на бранот, од сегашна перспектива се покажа дека било точно. Иако врвот во суштина претставува временски интервал (плато), доколку мораме да наведеме датум на врвот, тоа би бил 30 март, денот со најголеми дневни бројки и истовремено темето на параболата (квадратчињата со ќерамидна боја) на првиот дијаграм.

Дојче Пост ДХЛ Групацијата забележала раст на приходите за 5,5 проценти на 66,8 милијарди евра во 2020 година. Овој раст беше пред сè управуван од глобалниот бум во електронската трговија. Мерките за справување со пандемијата кои се спроведуваат ширум светот доведоа до зголемена количина на пратки.