Античкиот град Тал ел-Хамам, во долината на реката Јордан, се смета дека бил уништен од астероид кој навлегол во атмосферата на Земјата со брзина од околу 60 000 километри на час и експлодирал на околу четири километри над површината. Пред 3 600 години, Тал ел-Хамам бил голем град, дури трипати поголем од неговите современици Ерихон и Ерусалим. Градот бил важен урбан центар сè додека, во 1 650 година п.н.е., не бил целосно уништен – најверојатно од експлозивната енергија која била со јачина еквивалентна на околу илјада атомски бомби слични на онаа фрлена врз Хирошима.