Во денешниот времеплов ги славиме родендените на Георг Ом, германскиот физичар кој математички ги опиша законите на струјното коло, Владимир Комаров, советскиот космонаут, пробен пилот и инженер, Ричард Столман, основачот на движењето за слободен софтвер, Хајнрих Кајзер, германски физичар, и на Александар Степанович Попов, рускиот физичар кој прв употребил антена за емитување и прием на радиобранови. Денес го одбележуваме и првото лансирање на ракета со течно гориво, како и интернетското поврзување на САД и Европа...

Деновиве сè повеќе ненадејните смртни случаи се доведуваат во некаква врска со примена вакцина. Сега ќе видиме една пресметка базирана на теоријата на веројатноста и ќе видиме дека при масовна вакцинација ќе има многу случаи на случајно умирање од најразлични причини три дена по вакцинацијата, без никаква причинско-последична врска со примената вакцина.

Под мотото “Кого сакаш до Месечината и назад?” светски познатата компанијата за испорака на пратки на меѓународно ниво, ги поканува сите да учествуваат во нивната прва официјална испорака на пратка до Месечината.

Оваа недела ја примивме веста дека почина Лодевијк Фредерик ‘Лу’ Отенс, холандскиот инженер којшто го револуционизираше начинот на којшто ја слушаме, но и создаваме музиката. Ова го направи подарувајќи ни ги првите вистински преносни носачи на звук – аудио касетата и компакт дискот. Иако денес овие две нешта можеби ја губат смислата на своето постоење, не така одамна тие беа многу повеќе од предмет – беа медиум за лична аудио креација и запис на емоции, можност да се направи ‘личен’ музички избор, но и едноставна можност да се сними сопствената музика како демо-верзија, или пак да се направи аудио-потсетник по бурната ноќ, како во случајот на Кит Ричардс, на пример. Аудио касетата и CD-то навлегоа толку бргу и толку длабоко во нашето секојдневието така што во 70-тите и 80-тите речиси и да немаше дом без касетофон, а во 90-тите мнозинстовото веќе поседувавме некаков CD-плеер.