Џемперот плетен од конец што ги имитира карактеристиките на крзно од поларна мечка нуди исто толку топлина колку и зимската јакна “монтка”, иако неговата дебелина изнесува едвај петтина од онаа на гломазната јакна. Како што објаснува студијата објавена минатата недела во Science, конецот е изработен од лесен, синтетички материјал познат како аерогел, којшто го задржува својството за заробување топлина дури и по тегнење, перење и боење. Конците од овој тип еден ден би можеле да се користат за ткаење на облека којашто треба да е истовремено и лесна и издржлива, два клучни квалитети при изработката на спортска облека, на воени униформи и на вселенски костуми.

На северната хемисфера денес, значи не на 21 декември, започнува зимата и тоа во секој поглед. За оние што сакаат да бидат попрецизни, точниот момент на солстициумот беше во 4:27 часот по македонско време. Еве што тоа значи.

Минатиот четврток, на 14 декември, во просториите на Кинотека на Македонија се одржа промоција на книгата “Телевизиски системи”, во издание на Интернационалниот универзитет „Еуропа Прима“. Ова е трета стручна книга на м-р Милчо Узунов и прва за оваа тема напишана на македонски јазик, што додава дополнителна тежина на значајот на ова дело. Книгата обработува проблематика чиешто познавање ќе им биде од огромна корист на сите што се бават со каква и да е ТВ продукција, а авторот ја обработува од стручен и практичен аспект, нудејќи конкретни, реални примери за ТВ системите.

Во четвртокот, од Сонцето еруптираше огромен сончев блесок. Појавата предизвика умерено радио помрачување во Јужна Америка и креираше спектакуларни појави на поларна светлина во следните неколку дена. Иако ова беше најмоќниот сончев блесок регистриран последниве шест години, експертите велат дека нема да биде последен, а ниту најголем во овој сончев циклус. Имено, активноста на Сонцето се зголемува и, според добар дел од прогнозите, сончевиот максимум треба да го очекуваме некаде во средина на летото 2025 година.