Аеродромот “Скандинавски планини“, што треба да се отвори во декември, ќе биде еден од првите во светот што ќе се гради без кула за контрола на воздушниот сообраќај. Тој е замислен како порта што ќе ги поврзува зимските туристи од светот со најголемите скијачки центри на Шведска. Контролната кула вообичаено е “срцето” на сите аеродромски операции поради тоа што во неа е сместена службата за контролата на летање, чијашто задача е да го координира воздушниот сообраќај во рамките на аеродромот и пошироко.

Фотографијата во прилог е направена од екипажот на Меѓународната вселенска станица (МВС). На неа јасно се гледаат светлинските контури на Пиринејскиот Полуостров, давајќи јасна ноќна слика за населеноста на Шпанија и Португалија.

Кога помислуваме на шетање по површината на Месечината, си спомнуваме за малите потскокнувања на Нил Армстронг и Баз Олдрин. Но, новата генерација вселенски костими ќе значи поприродно движење на астронаутите насекаде, па дури и на површината на Месечината. Како бонус, новиот вид костими доаѓа без ограничувања во поглед на величината – истиот костим ќе може да го користат повеќе астронаути, независно од нивната висина и корпулентност.

Планот на Facebook од следната година да воведе сопствена криптовалута – Libra, наиде на сериозна препрека откако Visa, MasterCard и eBаy се повлекоа од проектот.