Втората годишна конференција „Вмрежување на Инграм и Вендорите #2“ („Ingram & Vendors Networking #2“) постигна огромен успех, собирајќи во Охрид преку 100 експерти од ИТ-секторот од Македонија, Албанија и Косово. Во текот на дводневната конференција, експертите говореа за идниот развој на технологиите – кибер безбедноста, за ransomware (уценувачки софтвер) и виртуелизацијата, кои ја поместуваат ИТ-индустријата кон посигурна и безбедна средина за управување со податоци.

Јупитеровата месечина Европа е еден од ретките светови во нашиот Сончев систем со услови погодни за потенцијален развој на живот. Претходните истражувања веќе покажаа дека под кората на водениот мраз се крие солен океан од течна вода со карпесто дно, налик на земските поларни океани. Меѓутоа, планетарните научници сè уште не беа сигурни дали во овој океан се присутни сите хемиски состојки неопходни за живот, а особено дали има јаглерод. Сега, користејќи ги податоците од вселенскиот телескоп Џејмс Веб, астрономите детектираа присуство на јаглерод диоксид во одреден регион на ледената површина на Европа. Дали е ова знак дека во океаните под површината постои живот сличен на земскиот?

Реал Мадрид, најуспешниот фудбалски тим во историјата, наскоро ќе може да се пофали и со титулата клуб со најмодерен стадион на планетата. Подвижен покрив, тревен терен на одлагање, џиновски 360° ротирачки екрани... Супер хај-тек стадионот Сантијаго Бернабеу наскоро ќе биде претставен пред светот.

Времето на термоелектраните на јаглен во Македонија брзо истекува и веќе во 2030 година производството на електрична енергија од јаглен ќе биде сведено на нула. Падот на производството ќе го забележиме уште во 2026 година, кога согласно со потпишаниот договор со ЕУ, односно нивниот ултиматум, треба да престане со работа ТЕЦ „Битола 1“. Но, дури и без овој договор, јагленот во рудникот „Суводол“ е при крај. Во рудникот „Брод-Гнеотино“ јаглен има, но со прилично послаб квалитет, додека експлоатацијата во рудникот „Живојно“ со подземен ископ најверојатно нема никогаш ни да започне. Во рудникот Осломеј јагленот исто така е при крај, а „мазутарата“ ТЕЦ „Неготино“ произведува толку скапа струја, што освен во зима и во крајна нужда воопшто не се исплати. Какви ни се тогаш алтернативите за домашно производство на електрична енергија?