Следната 2024 година треба да е значајна за автомобилските гуми. Имено, прочуениот Мишлен, кој веќе подолго време развива автомобилски гуми што не се пумпаат со компримиран воздух (airless tires), најави дека ќе ги лансира на пазарот долгонајавуваните гуми. Се надеваме дека ќе стојат на ветеното и дека конечно возачот ќе биде ослободен од една незгодна и силна ноќна мора, а тоа е дупнат пневматик, којшто е меѓу понезгодните дефекти на пат.

Самото управување на автомобилот отсекогаш било проблем за сите оние кои немаат слух и чувство за механика. Така, еден од поголемите проблеми во управувањето со автомобилот е да се почувствува моментот кога треба да се смени брзина доколку менувачот на автомобилот е мануелен. За новајлија и за сите оние кои немаат чувство за механика ова е голем проблем. Од друга страна, и за останатите, самиот процес на промена на брзината е досадна рутинска работа која одзема време и внимание. Доколку пак автомобилот се вози во големите градски гужви согласно режимот “тргни-застани-тргни...“ проблемите со бесвест се усложнуваат. Има решение и тоа е вградување на целосно автоматски менувач потпомогнат со хидродинамичка спојка. За нив имаме повеќе пишувано во ЕМИТЕР ...

По 3300 години, големиот фараон Рамзес II „воскресна“ со помош на археологијата, физичката антропологија, литературните извори и современите техники за обработка на слики. Најпознатиот египетски фараон умрел на 90-годишна возраст, оставајќи зад себе мноштво жени и деца, храмови и освојувања, свесен дека го направил Египет поголем. Но, без да знае дека и тој ќе стане негативен лик во библискиот наратив. Имено Рамзес II бил идентификуван од грчкиот епископ Евсебиј од Цезареја (265-340 н.е.) како фараонот кој не сакал да го пушти еврејскиот народ на слобода во Книгата на егзодусот, и кој затоа бил казнет од познатите „чуми“.

Едно ново истражување што ги користи податоците од системот Early Release Observations (ERO) на вселенскиот телескоп Џејмс Веб (JWST) на НАСА откри 87 галаксии што би можеле да бидат најраноформираните галаксии во универзумот за кои знаеме. Откритието ги приближи астрономите чекор поблиску до откривањето на моментот кога галаксиите за првпат се појавиле во универзумот – во периодот околу 200 до 400 милиони години по Големата експлозија.