Оригиналната студија за HR 6819 ги привлече вниманието на научниците но и на медиумите. Авторите на трудот воопшто не беа изненадени од тоа што сите беа заинтересирани за нивното откритие за црната дупка. Астрономите беа убедени дека најдобро објаснување за податоците со кои располагаа, добиени со помош на 2,2 метарскиот телескоп MPG/ESO, е дека HR 6819 всушност претставува троен систем – ѕвезда која орбитира околу црна дупка на секои 40 дена и втора ѕвезда којашто се наоѓа во многу поширока орбита. Но, истражувањата предводени од Јулија Боденштајнер предлагаат различно објаснување за истите податоци – HR 6819 можеби е систем со само две ѕвезди во 40-дневна орбита, без никаква црна дупка!