Кеопсовата пирамида е првото нешто што на повеќето им паѓа на ум кога ќе се спомне Египет. Но, најстарата некропола во Египет од ваков тип ја изградил фараонот Џосер, владетел кој ја вовел Третата династија на Старото Кралство за време на 27-миот век п.н.е. Изградена околу 2680 година п.н.е. во регионот Сакара, северозападно од урнатините на Мемфис, шестстепената, четиристрана скалеста пирамида на Џосер се извишувала среде голем двор исполнет со украсни церемонијални структури. Веќе одамна се знае дека древните Египќани користеле голем број алатки при изградбата на структурата висока околу 62 метра, една нова студија укажува дека користеле и барем едно претходно непознато помагало – хидрауличен систем за кревање товар што го користел блиското, денес одамна исчезнато езеро.