Музиката е субјективен трансфер на емоции и мисли, а не некоја научно-техничка категорија која се мери, па потоа изразува со бројки. Ова веднаш ги поларизира луѓето на субјективисти и оние другите кои единствено им веруваат на измерените резултати.

Покрај познавање на теоријата и практиката од разни области на електрониката секој електроничар треба да има и добри познавања на мерната опрема и мерните постапки. Во претходните продолженија од оваа серија написи се запознавме со основната теорија за мерењата и со најчесто користените инструменти во електрониката. Во овој и следните броеви ќе дадеме краток опис на разни мерни постапки кои во електрониката имаат најширока примена - мерења на напон, струја и отпорност со унимер.

Во ЕМИТЕР 5/97 објавивме информација за излегувањето на книгата “Мерење на тонската модулација” од Миле Серафимовски која, пред се, е наменета за техничкиот персонал во тонските студија и радио и ТВ станиците. За да може поширок круг на читатели да се запознае со оваа проблематика авторот од својата книга подготви извадоци што ги објавуваме во неколку продолженија.

Засилувачите со електронски цевки повторно се враќаат на сцената, па дури и компанијата Marantz подлегна на носталгијата и повторно почна да ги произведува веќе подзаборавените модели со електронски цевки. Сите познати Hi-Fi списанија кои држат до својот углед (меѓу нив и ЕМИТЕР) објавуваат прикази и слушни тестови на Marantz Classics моделите. Од друга страна производната програма на Energy се состои исклучиво од класични звучници. Постојат вкупно три различни серии - Connoisseur, Pro и најскапата и најдобрата Veritas.