Со појавата на неколку специјализирани интегрирани кола, изградбата на квалитетен функциски генератор е значително олеснета и поедноставена. Од постарата генерација на интегрирани кола за оваа намена, секако најпознати се интегрираните кола XR2206 (произвотство на EXAR) и ICL8038 (произвотство на INTERSIL), а од поновата генерација најпознато е колото MAX038 (произвотство на MAXIM).

Во внатрешноста на изработениот функциски генератор М2

Во оваа прилика се одлучивме за функциски генератор базиран на колото ICL8038, за кој сметаме дека е достапен за поголемиот број на наши читатели. Иако се работи за едно доста едноставно и може да се каже класично решение , овој генератор е така проектиран да ги задоволи најголемиот број од потребите за испитувачки сигнали. Генераторот го покрива фреквентното подрачје од 10Hz-100kHz и има можност за избор на синусен, триаголен и правоаголен облик на излезениот сигнал. Исто така постои и TTL компатибилен излез за синхронизација кој може да се искористи и за директо поврзување со дигитални кола кои работат со TTL логички нивоа и за приклучување на надворешен фреквенцметар.

Целиот уред е предвиден за стационарна употреба со мрежно напојување.