Покрај познавање на теоријата и практиката од разни области на електрониката секој електроничар треба да има и добри познавања на мерната опрема и мерните постапки. Меѓутоа голем дел од електроничарите, особено почетниците, не ја познаваат доволно оваа проблематика, па од тука произлезе потребата за овој серијал. Во претходниот број се запознавме со основната теорија за мерењата - што е мерење, какви грешки може да настанат при мерењето и како се претставуваат измерените величини. Во овој број ќе дадеме краток опис на најчесто користените инструменти во електрониката.

Во минатите броеви опишани се сите команди од TANGO SCH едиторот, како и практичен пример за цртање шема. Во самиот SCH едитор е вграден и LIBRARY едитор, кој се користи за креирање на нови, или за модификација на постоечките елементи во библиотеките. Голем број на команди од главното мени на LIBRARY едитор се користат на ист начин како и во SCH едиторот (затоа нема да бидат повторно опишани).

Многубројните интегрирани засилувачи овозможуваат едноставна изведба на засилувачи на моќност со ИК. Едно од нив е и ИК LM 3876 кое овозможува излезна моќност од 43 W sin/ 8 оми. LM 3876 е член на фамилијата "Overture", развиена од "National Semiconductor". Членовите на оваа фамилија се меѓусебно компатибилни во распоредот на пиновите и функциите, а се разликуваат во максималната излезна моќност. Во овој напис ви прикажуваме една основната изведба на засилувач со ова коло.

Со овој број на ЕМИТЕР прославуваме еден мал јубилеј - 20 објавени броеви и две години постоење. Пред две години кога започнавме многумина не веруваа дека ЕМИТЕР ќе опстане толку долго. Да бидеме искрени, не верувавме ни ние, меѓутоа се надевавме и работевме на тоа ЕМИТЕР да не биде едно од многуте македонски списанија со краток век, туку редовно да излегува и неговиот квалитет да биде што подобар. Иако планиравме многу повеќе, од досега направеното главно сме задоволни.

Широката примена на Ni-Cd батерии денес, се должи пред се на можноста за нивно полнење и до 1000 пати. Ако се има во предвид цената која е за 3-5 пати поголема од онаа на класичните, станува јасно зошто нивната употреба економски е оправдана, особено кога се користат во уредите за секојдневна работа на терен. Овде прикажаниот полнач на Ni-Cd батерии овозможува оптимална и сигурна употреба на овие батерии.

Од ден на ден, бројот на аналогните уреди што се заменети со дигитални, е поголем. Верувам дека секој електроничар има направено аудио засилувач, меѓутоа мал е бројот на тие што го направиле засилувачот со дигитална контрола. Обидот за правење на квалитетна контрола со футуристички изглед од типот на контроли како во филмот Star Trek, престанува кога доаѓа време да се заменат потенциометрите и преклопниците со дигитални кола.

Примената на колото секојдневно ја среќаваме на влезот на некои продавници. Тоа е она ѕвонче кое го известува сопственикот за доаѓањето на муштеријата. Ова коло е виновно за откривање на вашето присуство пред автоматските врати. Објекторот може да се постави и како сензор во вашата куќа. Посебно доколку во станот имате место кое сакате да го заштитите од љубопитноста на вашето дете, слободно опуштете се.

Високофреквентното струјно засилување на транзисторот зависи од еднонасочната поларизација при која тој работи. Максималното засилување се постигнува при една одредена вредност на колекторската струја. Ова просто коло е конструирано за да ја одреди оптималната колекторска струја за секој NPN високофреквентен транзистор.

Колата кои се користат за заштита од превисоки напони најчесто ги среќаваме во праксата. Неопходноста од вакви кола се јавува кога елементите кои се користат во колото кое го напојуваме се осетливи на напонот кој може да се јави на влез доколку откаже колото за стабилизација. Освен од превисокиот напон преоптоварувањето може да настане и од голема моќност која може да се развие на излезниот елемент доколку дојде до зголемување на напонот на напојување.