Овој текст и серијата од текстови што ќе следуваат во наредните броеви има за цел да ви помогне во “првите чекори” во електрониката и тоа на многу едноставен и разбирлив начин. Основа на овие текстови се градбата на практични конструкции, притоа не навлегувајки во некои подетални објаснувања. Започнуваме со конструкцијата на едноставен детектор на влага кој на звучник дава продорен тон кога неговиот сензор е во допир со вода.

Во новата програма на SGS-Thomson се појави член од фамилијата TDA20xx, под ознаката TDA2052. Овој член на фамилијата може да се пофали со максималните 60W, коло за stand-by и mute, како и коло за температурна заштита, поддржано со заштитата од краток спој на излез. Сето претходно кажано е добра претпоставка за изработка на мошне компактен излезен засилувач.

Оние кои ја следеа серијата написи за програмот TANGO веројатно веќе стекнале некое искуство со овај програм. Со сите предности кои ги нуди ваков програм при проектирање на електронски кола, тој има и извесни недостатоци кои произлегуваат воглавно од самиот оперативен систем (DOS) под кој работи овај програм. Значи логичен напредок би бил да се премине на WINDOWS окружување и програмата Protel for Windows.

Pacific Research & Engineering (PR&E) се занимава со дизајнирање и производство на професионална аудио опрема за телевизиската и радио дифузната индустрија. Во средината на минатата година го лансираа нивниот прв дигитален производ - интегриран дигитален аудио управувачки пулт Integrity. И покрај тоа што прилично доцна се приклучија кон групата на произведувачи на дигитална опрема, со овој производ PR&E го свртеа вниманието на јавноста врз себе.

Во бројот 11/97 беше претставен реверб процесорот Yamaha REV500, а сега од германскиот Solo magasin пристигнува тест во кој овој процесор се става во конкуренција со два конкурентски процесори од истата класа. Пренесуваме дел од нивните впечатоци за овие три аудио процесори.

Колото прикажано во овој кус напис е проектирано за оние случаи кога ни се потребни два различни напони.