Дамнешен сон на секој производител на звучници бил да направи звучник кој ќе ги има следниве пет важни особини: да биде евтин за производство, да го репродуцира целиот звучен спектар (освен можеби најдлабоките басови), да има добар звук, да има добра дисперзија на високите тонови, и да му донесе многу пари на производителот. Електростатските и изодинамичките звучници главно ги исполнуваат сите овие особини, освен првата.

Во ова продолжение од пожетниот курс по практична електроника ќе збориме на тема трансформатори. Ќе се занимаваме со нивните параметри, трансформаторските јадра и намотки, видовите на трансформатори, откриваме како да ги направите пресметките и да изработите мрежен трансформатор и за крај како да направите испитување на трансформаторот кој сакате да го употребите или се наоѓа вграден во некој уред.

Во претходниот број на ЕМИТЕР имавте прилика да го проследите мерниот тест на звучникот JBL TLX300, а во овој напис нашиот соработник од Хрватска, Милан Рупиќ, ги изложува своите импресии од слушниот тест на истата звучна кутија.

Повторно NE555. А зошто да не? Просто се воодушевувам од ова навидум просто интегрирано коло, кое благодарејќи на креативноста на неговите конструктори е толку многу применливо. Па затоа кај овој "missing-pulse" детектор кој на нашки би можел да се преведе како "Детектор на прекин на поворка на импулси", се користи како и во многу други апликации NE555. Missing-pulse детекторот (на англиски подобро ми звучи) е коло кое на својот влез прима поворка од периодични дигитални импулси.

Станува збор за лесно пренослива камера/рикордер со тежина од само 1,1kg, не вклучувајќи го пакетчето за батериите. Нејзината главна карактеристика се состои во тоа што го користи DV видео форматот - светски стандардниот формат за следната генерација на дигиталната видео рикордерска опрема. DV форматот и 3CCD перформансите овозможуваат AG-EZ1 да обезбедува висок квалитет на сликата и на звукот, нешто што порано не беше замисливо со овие единици.

Потврдени DXCC - земји - врвни резултати; Резултати на Македонските станици на CQ WPX CW 1997; Yaesu FT-847; QSL- менаџери; Worked Contest Club Finland Award; Календар на меѓународни КБ-натпревари; Правила за натпреварот LZ DX; DX - информации; УКБ активности на Z37FEF од Прилеп