Освен МТВ во Р. Македонија денес постојат бројни ТВ станици кои што имаат многу помала излезна моќост отколку МТВ. Особено ако постои и непогодна конфигурација на теренот, тогаш е јасно дека голем дел од гледачите немаат можност за добар прием на програмата од истите телевизии. Оваа ситуација може донекаде да се поправи ако наместо постоечката антена поставиме некоја со многу поголемо засилување. Доколку оваа антена би имала можност за ротација (што е доста скапо), тогаш евентуално би обезбедила да се следат програмите од станиците кои што емитуваат со мала моќност или предавателите кои се мошне далеку, така што сигналот им е слаб. Секако дека една од поевтините можности е изработката на посебен предзасилувач кој би ги засилувал телевизиските сигнали. Ова посебно се однесува на УХФ опсеготкаде сигналите се послаби.