Во познатото списание за професионално аудио – STUDIO SOUND, во април годинава беше објавена годинашнава номинација на аудиоуреди за наградата SSAIRA (Studio Sound Audio Industry Recognition Awards). Беше предвидено на Конвенцијата на AES во Минхен да се објават добитниците на наградите. Листата на номинираните уреди што ја приложуваме е создадена од јавувањата на самите читатели, а номинирањето можеше да продолжи сè до изборот на победниците.

Голем е бројот на аудиофилите кои сакаат перфектен звук во својот дом, но во последно време сè поголем е бројот и на аудиофилите кои сакаат моќен и перфектен звук во својот автомобил. За таа цел инженерите на MACROM решија да развијат свој модел 6 x 9 коаксијален звучник.

Носталгијата по лампите, на која сме сведоци веќе низа години, не е само носталгија за старото, убавото од младоста, за она врз кое времето оставило патина, неизбришлив и драг белег, туку се јавува како потреба која треба да го задоволи денес изострениот вкус и кај пошироката публика, а да не зборуваме за луѓето што се врзани професионално за процесот на слушање. Впрочем, звукот добиен од лампите е поблизок до она што сака да го слуша увото.

Додека ги опишувавме деловите на примопредавателот за 2m радиоаматерско подрачје, спомнавме дека поставувањето на фреквенцијата на PLL-от е можно да се направи со помош на додатен уред. Тој додатен уред ќе ја замени употребата на BCD кодните прекинувачи и ќе овозможи претставување на фреквенцијата на LED дисплеи во вид на канали. Таквиот уред, наречен контролен модул, овозможува и искористување на SCAN контролата која ја нуди интегрираното коло MC3357.

Во овој дел од курсот внимание им посветуваме на повеќеслојните полупроводнички елементи. Овие елементи имаат четири или повеќе полупроводнички слоеви, најмалку три PNP споеви и најмалку два изводи, а во електричен смисол се однесуваат како бистабилни елементи. Во овој број од списанието поблиску ќе го разгледаме динисторот, неговата градба, принцип на работа како и неговите параметри.

Ова едноставно осветлување за во спалната соба ја покажува својата вредност кога треба да видите колку е часот навечер или да ја напуштите собата додека другите спијат.