Додека ги опишувавме деловите на примопредавателот за 2m радиоаматерско подрачје, спомнавме дека поставувањето на фреквенцијата на PLL-от е можно да се направи со помош на додатен уред. Тој додатен уред ќе ја замени употребата на BCD кодните прекинувачи и ќе овозможи претставување на фреквенцијата на LED дисплеи во вид на канали. Таквиот уред, наречен контролен модул, овозможува и искористување на SCAN контролата која ја нуди интегрираното коло MC3357. Како што еднаш спомнавме, употребата на овој модул е еден вид комфор при ракувањето со комплетниот примопредавателен уред. Исто така во овој број ќе направиме финално обединување на уредите објавени во претходните броеви на ЕМИТЕР, со цел да добиеме комплетен примопредавателен уред за 2m.