Пред вас е проектот за King 6 - еден навистина добар звучник, направен со квалитетни компоненти: високотонецот Monarch DT 101 SU и бас/среднотонскиот звучник Monarch SPH 165C. Со својот квалитет особено се издвојува SPH 165 C, со номинален дијаметар од 165 mm, кој има мембрана од карбон-фибер, бакарен прстен во магнетната конструкција со кој се намалуваат изобличувањата, движечка намотка од Kapton намотана со жица со правоаголен профил и шасија од алуминиумска легура. Високотонецот DT 101 SU има калота со дијаметар од 25 mm изработена од Supronyl, специјална пластична материја, а во магнетниот процеп има ферофлуид.