Аудиофилите кои имаат две вешти раце можат многу да заштедат со самоградба на hi-fi уредите. Или за истите пари со кои би купиле комерцијален ("фабрички") уред можат да направат уред кој ќе дава поквалитетен звук. Изгледот и финишот на направениот уред обично не е кој знае каков, но важно е добро да свири. За оние со навистина вешти раце не постојат никакви ограничувања и тие можат да направат вистински уметнички дела, како што ќе видите понатаму.

Овозможете му на вашето возило со овој едноставан уред краткотрајно да ви го осветли патот во темница. Идејата за овој уред произлезе од ситуации низ кои поминува секој кога ќе се обиде навечер да си го најде патот од својата гаража. Откако ќе се паркира и ќе се изгаснат светлата на возилото, станува тешко да се стигне до излезот, а притоа да не се турне нешто.

Дигиталната контрола на напон секогаш и не е најпогодна за употреба. Но, во случај каде е неопходно дигитално менување на напонот, во дигиталните кола на управување, вредностите на напонот мора да бидат квантизирани. Во вакви случаи можете да го реализирате решението прикажано во овој кус напис.

Почитувани читатели, од овој број па во иднина, во зависност од тоа како домашите дистрибутери на компјутерска опрема ќе ни ги доставуват новите модели на скенери од нивниот продажен асортиман, ќе се потрудиме со нашите споредбени тестови да ви помогнеме во решавање на некои ваши дилеми во врска со нивната набавка и употреба.

Не треба да споменуваме дека со појавата на мобилната телефонија кај нас, мобилните телефони станаа опсесија, слична на онаа со автомобилите. Постојано се продава еден модел па се доаѓа до друг, понов, подобар. Сигурно на улица или во друштво ги слушате познатите фрази: "Види што имам...." или "гледај што може..." или "види колку е лесен..." итн. Сето тоа се однесува на мобилните телефони.

Кога велиме (елементарна) честичка најчесто мислиме на електрон, протон или неутрон. Но микросветот не се состои само од овие 3 честички. Постојат најмалку 100 "елементарни" честички кои се групираат најчесто според тоа дали тие влегуваат во силни реакции или не. лементарните честички го живеат својот живот во т.н. микросвет, свет кој им се потчинува на законите на квантната механика, свет во кој не важат законите на "нашиот" свет, кој пак се потчинува на Њутновата механика.

Во претходниот број на ЕМИТЕР беа наведени дел од алатот и приборот кој треба да го поседуваме пред да се нафатиме со изработка на макетата. Во овој број ќе се задржиме пред сè на практичната примената на алатот и приборот како и со некои техники, правила и совети неопходни за да ги направиме првите чекори во светот на минијатурата. За таа цел го подготвив овој краток преглед на текот на составување на една макета, кој, секако, не мора да биде униформен.

Поради извонредните пејзажи и природни убавини во 1948 година, планината Пелистер е прогласена за прв национален парк во поранешна Југославија и Македонија. Подоцна за национални паркови биле прогласени и Маврово и Галичица. Баба Планина со врвот Пелистер (2600 м.н.в.) се наоѓа во југозападниот дел на Р. Македонија и се протега во правец север-југ меѓу Преспанското Езеро и котлината Пелагонија.

Првенствено наменет за домашно аудио, овој проект практично на секој електроничар му нуди можност за релативно малку пари сам да направи излезен засилувач, кој верувам ќе му пружи големо задоволство.

Уште од 1895 година кога астрономот Percival Lowell ја објави книгата "Марс" во која шпекулира за интелегентна форма на живот која има изградени канали за наводнување на површината на Марс, човештвото очекува да најде живот на "Црвената планета". На 30 октомври 1938 година Орсон Велс со својата радиодрама за инвазија на зелените Марсовци врз Земјата (направена според романот на H. G. Wells "The war of the worlds" објавен во 1898 год.) предизвика вистинска паника кај американските жители. Додека порано сме можеле само да погодуваме што има на Марс, со спуштањето на леталото Mars Pathfinder во 1997 година беа извршени директни испитувања на примероци од неговата површина. Во последно време се појавија и неколку проекти за човечка мисија на Марс. Потребната технологија веќе ја имаме, но нѝ недостасуваат финансии и храброст.