Во претходниот број на ЕМИТЕР беа наведени дел од алатот и приборот кој треба да го поседуваме пред да се нафатиме со изработка на макетата. Во овој број ќе се задржиме пред сè на практичната примената на алатот и приборот како и со некои техники, правила и совети неопходни за да ги направиме првите чекори во светот на минијатурата. За таа цел го подготвив овој краток преглед на текот на составување на една макета, кој, секако, не мора да биде униформен. Оставаме на вас, драги читатели, да ги следите долунаведените чекори, или пак едноставно со текот на времето и изградувањето на сопственото искуство, да создадете сопствена визија за начинот и приодот кон изработката на макетите.