Овозможете му на вашето возило со овој едноставан уред краткотрајно да ви го осветли патот во темница. Идејата за овој уред произлезе од ситуации низ кои поминува секој кога ќе се обиде навечер да си го најде патот од својата гаража. Откако ќе се паркира и ќе се изгаснат светлата на возилото, станува тешко да се стигне до излезот, а притоа да не се турне нешто. Од друга страна, ако светлата на возилото останат вклучени уште некое време, рефлектираната светлина што ја даваат е сосема доволна за да се најде сигурен пат кон излезот. Се разбира дека проблемот може да се реши и со расчистување на гаражата, но електронското решение е секако поголем предизвик.