Периодот од 1946 до 1968 година е време на енормно брз развој на воздухопловната индустрија кога се постигнати многу воздухопловни успеси и рекорди, а некои од нив и денес не се надминати. Но, ова е и период кога за првпат на човекот му се исполнува вториот најголем сон, патување во вселената. Благодарејќи на овие успеси човекот во ист век успева да го направи првиот чекор на небото и првиот чекор во космосот.

Во ЕМИТЕР 11/2003 дадовме преглед на речиси сите видови конструкции на телескопи, заедно со нивниот историјат, а исто така и преглед на првите астрономски откритија направени со нив. Главните карактеристики на телескопите беа опишани во ЕМИТЕР 1/2004. Во овој текст ќе бидат опишани речиси сите постоечки видови окулари. Во следните продолженија на оваа серија ќе бидат опишани монтажите за телескопи, а на крај за заинтересираните следат совети за купување телескоп и совети за самоградба.

Првиот напис од серијата "Сервисирање на ТВ-приемници" е обид, во најкуса можна форма, да ви ги доближи основните принципи на формирањето на сложениот видеосигнал и неговите параметри, како главен фактор во преносот на сликата до вашиот ТВ-приемник. Цела една технологија, сублимирана во неколку страници! Прочитајте го внимателно и повеќе пати.

Речиси секој човек кој е љубител на музиката има своја омилена музичка нумера, за која би сакал самиот да го отпее вокалот. При крајот на седумдесеттите години, западната музичка продукција имаше предлог популарните снимки да бидат издадени во формат од четири или осум нумери кои би се состоеле од снимки без вокал, само инструментал, одредени секвенци итн. Со тоа новите групи и пејачи почетници би можеле да ја користат поткрепата од оргиналните уметници во своите вежби.

Интегрираното коло 555 е едно од најчесто употребуваните интегрирани кола во електрониката и добро им е познато на сите електроничари. Колку за илустрација, во ЕМИТЕР досега се објавени неколку десетици електронски кола во кои е вклучен и ИК 555. Иако 555 е доста доверливо и сигурно коло, сепак понекогаш се случува и негова неисправност, поретко заради фабричка грешка, а почесто поради вина на конструкторот - прегревање при лемењето, приклучување на поголем напон и слично.

Индустријата која произведува монитори за персоналите сметачи при својот развој дојде до една фаза во која се појавуваат нови решенија. Во последните две години, LCD мониторите започнаа да ги заменуваат традиционалните CRT монитори. Главна пречка на LCD мониторите е нивната цена, која е многу повисока од онаа на CRT мониторите, но таа постепено опаѓа со порастот на производството на мониторите со течен кристал и со употребата на се поевтини материјали за нивна изработка.

На секоја Линукс машина можете без проблем да почнете со програмирање, а притоа да не ви се јават проблеми од типот на: немам софтвер! Сите придружни програмски јазици се инсталираат при самата инсталација на оперативецот, се разбира, доколку го наведете тоа.

VX-7R е новата гордост на јапонскиот гигант за радиоаматерска телекомуникациска опрема Јесу (JAESU). Во големата светска конкуренција, Јесу успева да се одржи на врвот, секогаш со нови и интересни производи.

Отсекогаш сум сакал да знам на кој начин функционираат жичарниците. Со прикажаниот модел на соларна жичарница од моите соништа, јас често "патувам" до ски-терените на мојата омилена планина - таму со другарите и пријателите се скијаме во зиме, а лете одиме на чист воздух. Кога ќе пораснам, би сакал навистина да има една ваква жичарница од мојот дом до најблиската планина. Кога овој модел на жичарница навистина ќе биде применлив, јас ќе бидам нејзин горд патник, а сигурно и вие.