Индустријата која произведува монитори за персоналите сметачи при својот развој дојде до една фаза во која се појавуваат нови решенија. Во последните две години, LCD мониторите започнаа да ги заменуваат традиционалните CRT монитори. Главна пречка на LCD мониторите е нивната цена, која е многу повисока од онаа на CRT мониторите, но таа постепено опаѓа со порастот на производството на мониторите со течен кристал и со употребата на се поевтини материјали за нивна изработка. Во продолжение на овој напис ќе бидат наведени позитивните и негативните карактеристики и на двата типа монитори, па според тоа лесно ќе можете да се одлучите кој монитор вам најмногу ви одговара.