Речиси секој човек кој е љубител на музиката има своја омилена музичка нумера, за која би сакал самиот да го отпее вокалот. При крајот на седумдесеттите години, западната музичка продукција имаше предлог популарните снимки да бидат издадени во формат од четири или осум нумери кои би се состоеле од снимки без вокал, само инструментал, одредени секвенци итн. Со тоа новите групи и пејачи почетници би можеле да ја користат поткрепата од оргиналните уметници во своите вежби. Исто така и соодветно опремените ентузијасти би можеле да ги реорганизираат класичните снимки по свој вкус. Како и да е, оваа идеја никогаш не се реализира, главно поради недостатокот на побарувачка или можеби поради неизбежните причини околу авторските права. Овде ќе биде опишан проект кој при одредени услови, кои ќе бидат објаснети подоцна во текстот, ќе може да го намали нивото на вокалот во снимките, или потполно да го елиминира.