За да ги воведеме почетниците во микроконтролерската технологија го подготвивме овој проект кој е многу едноставен, но поучен. Претставениот уред е од забавен карактер и се користи за генерирање на случајни броеви за која било игра. Изработката на уредот е исклучително едноставна, така што можат да го изработат и помалку упатените електроничари. Карактеристично за оваа изработка е што приказот на генерираната бројка е на матрица од 5x7 точки изработена со светлечки диоди со што се добива поголема ексклузивност на уредот.