Системот за ладење е еден од основните придружни системи кај моторите со внатрешно согорување, било да се работи за двотактните мотори или да се работи за четиритактните мотори. Едноставно, мора да го има. Основна негова задача е да ја одржува работната температура и тоа во сите режими на работа на моторот. Оваа задача системот за ладење ја врши или со помош на вода (антифриз или разладна течност) или со помош на воздух, па следствено на тоа имаме систем за ладење на моторот со вода (водено ладење) и систем за ладење на моторот со воздух (воздушно ладење). Во овој напис ќе се задржиме само на системите со водено ладење.