Со Приус, Тојота покажува дека за неа иднината веќе одамна започнала. Ваквите проекти и производи влеваат надеж дека автомобилите пријателски настроени кон природата ќе бидат се побројни. Во тоа име, планетата Земја им праќа поздрави. Дека Тојота е најдалеку и по прашањето на примената на хибридниот погон, односно алтернативните погони воопшто, докажува и со промовирањето на втората генерација на Приус, хибриден автомобил задвижуван со бензински и електромотор. Моментално најсовршениот хибриден погон е имплементиран во Тојота Приус (Toyota Prius) и со него овој автомобил просечно троши 4,3 литри бензин (исто колку и дизел-автомобилите од ниската класа) и драстично ги надминува барањата за издувни гасови на Еуро 4 нормата.