Осмиот по ред Автоекспо, меѓу другото, покажа дека интересот за автомобилите во Македонија не е ништо помал отколку во некои други земји и дека разликите меѓу пазарите се сведуваат само на куповната (не)моќ на купувачите. Во тоа име, во периодот од 10 до 16 март, можеа на едно место да се видат голем дел од новитетите на светската автомобилска индустрија, преточени во триесетина премиери од кои најголем дел веќе можат да се купат и кај нас.

Ова е нашиот краток водич за астрономите-аматери. Дознајте што, каде и како можете да набљудувате овој месец на нашето небо со помош на голо око, обичен двоглед и аматерски телескоп. Овој месец ќе помине во знакот на Сатурн.

Вљубениците на квалитетната репродукција (Hi-Fi) на звукот не би биле тоа што се ако постојано, како под ‘дефаулт’, не покажуваат жив интерес кон минатите, сегашните и идните случувања во светот на Hi-Fi техниката. При набавката на сопствената целокупна Hi-Fi опрема или во делови, како дополнение на постојната, тие секогаш се спремни на дискусија и убедување дека овој или оној дел од опремата ги има овие или оние особини во однос на некои други итн.

Мисијата на Флуке да биде и да остане светски лидер во компактната, професионална, електронска мерна опрема, продолжува. Пробивот на полето на бесконтактно мерење на температурата, започнат пред две години, исфрли на пазарот неколку супериорни мерни инструменти со кои уште повеќе се популаризира дијагностичкото и предиктивното одржување на електричните постројки. Секако, најексклузивен и најинтересен меѓу нив е термовизиската камера Ti-30.

На предлог од читателот Димитар Величковски во овој напис од нашата "Школа за електроника" ќе се обидеме практично да ја прикажеме и да ја објасниме изработката на плочка со печатени кола (ППК) во домашни услови, со употреба на лесно достапни материјали.

Како што ви ветив уште во декемврискиот број на ЕМИТЕР (12/05), во овој број ќе се обидам во кратки црти да ви го претставам SQL Server 2005. Во ниеден момент не се двоумев дали да започнам со анализа и тестирање на овој софистициран, комплексен но воедно и популарен систем база на податоци, пред сé, поради трендот на развој на оваа технологија.

LCD-мониторите стануваат сé повеќе и повеќе застапени кај десктоп корисниците, откако падна нивната цена, а и корисниците ги открија нивните предности. На пазарот, денес, се застапени разни видови LCD-монитори од различни производители, со различни карактеристики, секој за себе со свои предности и свои мани. Samsung SyncMaster 243T е 24-инчен TFT-LCD монитор од последната генерација, кој поседува импресивни карактеристики и низа кориснички можности.

Додека броадбанд Интернетот стана стандард во целиот свет, различни земји и региони имаа различен пристап при имплементирањето на мрежниот хардвер. На пример, во Канада речиси секоја мрежна алатка, од рутери до DSL или кабелски модем, е поврзана на надворешна кутија, која е поврзана со компјутерот преку CAT5 Ethernet кабел. Во Европа работите се многу поразлични. Тука се води во правец на внатрешни солуции кои ги користат десктоп компјутерите како хост (домаќин) за овие мрежни алатки.

Тренд кај сите телевизиски куќи е да имаат брзо, актуелно и квалитетно известување. Интерактивната комуникација меѓу медиумот и гледачите е сé побитна во креирање на програмите. За да го остварат тоа, потребна им е соодветна техничка поддршка. Квалитетот на сигналот е битен, но финансискиот фактор е лимитирачки. Покрај сетовите за ЕНГ и мобилните возила во кои има сместено опрема, битно за остварување на овие комуникации се врските (телевизиските линкови).

Новооткриениот објект во Куиперовиот појас, 2003 UB313, е првото тело откриено по Нептун (во 1846 година) што има дијаметар поголем од тој на Плутон. Поради немањето конкретна дефиниција што е планета, се отвори прашањето дали ова тело да биде прифатено како планета или не?