Тренд кај сите телевизиски куќи е да имаат брзо, актуелно и квалитетно известување. Интерактивната комуникација меѓу медиумот и гледачите е сé побитна во креирање на програмите. За да го остварат тоа, потребна им е соодветна техничка поддршка. Квалитетот на сигналот е битен, но финансискиот фактор е лимитирачки. Покрај сетовите за ЕНГ и мобилните возила во кои има сместено опрема, битно за остварување на овие комуникации се врските (телевизиските линкови). Со овие уреди се дотура сигналот до точката до која сакаме да биде дотурен одреден ТВ-сигнал, односно за едноставни јавувања да ја поврзе ЕНГ-екипата, или за посложени проекти (спортски натпревари, музички и друг вид настани) репортажното возило со мастерот на телевизиската куќа.