Честопати сме биле сведоци на некоја комична ситуација кога кловнот прави некоја смешка. Смеата е "послатка" кога навидум е едноставна. Зошто публиката се смее кога јунакот од нашиот комичен филм почнува да го бара другиот крај на цревото за полевање на вода, толку измрсено и одеднаш без никакво изненадување повторно ќе се најде пред чешмата?! Или што ни изгледа смешно за совет од ваков тип: "За да го закрпите скинатиот чаршаф ставете го со дупката одоздола". Во двата случаи по навика, реагираме на факти кои припаѓаат на топологијата. Топологијата е дел од математиката која ги изучува најосновните особини на објектите и просторот, не сметајќи на нивните облици и димензии.