Вљубениците на квалитетната репродукција (Hi-Fi) на звукот не би биле тоа што се ако постојано, како под ‘дефаулт’, не покажуваат жив интерес кон минатите, сегашните и идните случувања во светот на Hi-Fi техниката. При набавката на сопствената целокупна Hi-Fi опрема или во делови, како дополнение на постојната, тие секогаш се спремни на дискусија и убедување дека овој или оној дел од опремата ги има овие или оние особини во однос на некои други итн. Многумина од нив знаат како да изберат квалитетен звучник или грамофонски пикап, но верувам дека не би било некорисно да му посветат малку внимание на овој напис и да се проверат во некои сопствени убедувања.