Конструкторот на неколку легендарни модели дефинитивно го потврдува своето навраќање кон минатото кога поимите авангардност, оригиналност и препознатливост често се поврзуваа за неговото име. Најновиот исход од постојаниот стремеж на Citroën да направи нешто поинакво и различно од другите е C3, можеби најубавиот автомобил со должина помала од четири метри.

Со оглед на старосната структура на нашите возила, сè уште е актуелно класичното, батериско контактно палење. Добро е да се запознаеме со него и со оглед на фактот што современите електронски палења се базираат на истите основи. На крајот од краиштата, батериското контактно палење одбележа една цела епоха. И уште повеќе, како ќе се воодушевуваме на денешниве, современи, системи за палење, како ќе ги знаеме нивните предности, т.е. подобри особини, ако не ги познаваме нивните претходници.

Во овој напис ќе ви го прикажеме животниот циклус на Сонцето, структурата според SSM (Standard Solar Model) и термо-нуклеарниот процес кој се одигрува во него, периодичен циклус на зголемена енергетска активност и останатите мистерии на Сонцето.

Вообичаено е нашето интересирање да го задржуваат и да го привлекуваат уреди за најразлична намена кои претставуваат "бисери" на технологијата или ако сакате "крем" на светската понуда. Почнувајки од врвните нови, па и револуционерни, технологии и решенија до безбројните можности и удобности, завршувајќи со уникатен дизајн и изработка, овие творби не знаат за ништо друго освен беспрекорност и врвен квалитет.

Сигурно ги следите рекламите на телевизија за алармот кој преку мобилната GSM мрежа дојавува за неговото активирање. Ако веќе сте направиле некој алармен уред, ова е шанса истиот да го надградите и модернизирате. Ако сакате благовремено да бидете информирани секогаш кога вашиот домашен алармен уред ќе се активира, тогаш ова е вистинското решение за вас.

Дисторзија (fuzz ефект) е уред кој е стар скоро колку и самата електрична гитара. Уредот кој е опишан во овој текст има таканаречен "soft cliping", што дава ефект многу сличен на лампашките засилувачи. Сите оние кои се занимаваат со музика знаат дека сето тоа звучи многу помузикално отколку кај транзисторските засилувачи или fuzz ефекти кои се засновани на едноставно отсекување на сигналот при одредено ниво.

Спој на имагинацијата и фантазијата, сонот и реалноста, остварување на незамисливите и недопирливите елементи во состојба на реална илузија. Пред да ја добие популарноста од луѓето и медиумите како виртуелна реалност, таа беше позната како синтетичка околина, киберпростор, вештачка реалност, технологија на симулатор и т. н. Виртуелната реалност доживува голем развој во многу полиња од науката, техниката, мултимедијалноста, игрите, архитектурата, па дури и во полето на бизнисот.

Купувате нов компјутер или пак сакате да го надоградите стариот. Една од позначајните компоненти без која не може да се замисли една посовремена конфигурација е CD-ROM-от. Во поново време неговото место се повеќе го зазема DVD-ROM-от. Предноста на DVD-ROM-от е тоа што покрај читањето на DVD дискови ги поддржува и сите формати кои ги поддржува CD-ROM-от. Квалитетот на сликата и звукот се многу поголеми отколку кај CD-то, а тука е и големиот капацитет на DVD дисковите.

Pascal е еден од поедноставните програмски јазици кој има многу корисни и интересни можности и се користи во случи кога не се бара голема брзина на обработка или кога бројот на податоци не е голем (книговодство, артикли...). Чест проблем кој се јавува кај овој вид програми напишани во Turbo Pascal е проблемот : Runtime Error 200 – "Division by 0". Во ово напис ќе ги образложиме причините за пријавување на оваа грешка како и начините да се избегне или "закрпи".

Во изминатите броеви на Емитер пишувавме за разни модели на мобилни телефони. Овој пат ќе се задржиме на еден нов модел на производителот SIEMENS. Станува збор за моделот M50 и ќе се обидеме да дадеме еден кус преглед на можностите на овој телефон.

За задачите поставени во априлскиот број на ЕМИТЕР, нашата редакција одлучи да го награди Зоран Миленкоски од Скопје кој што ни испрати точни решенија на првата, втората и четвртата задача. Оние што не успеале точно да ги решат овие задачи сигурно ќе ги интересира како се решаваат, па затоа ние ги објавуваме неговите решенија, а него го наградуваме со полугодишна претплата на ЕМИТЕР.