Купувате нов компјутер или пак сакате да го надоградите стариот. Една од позначајните компоненти без која не може да се замисли една посовремена конфигурација е CD-ROM-от. Во поново време неговото место се повеќе го зазема DVD-ROM-от. Предноста на DVD-ROM-от е тоа што покрај читањето на DVD дискови ги поддржува и сите формати кои ги поддржува CD-ROM-от. Квалитетот на сликата и звукот се многу поголеми отколку кај CD-то, а тука е и големиот капацитет на DVD дисковите. На пазарот постојат различни типови DVD уреди со различни перформанси и недостатоци. За да ви помогнеме при изборот позајмивме два уреда од фирмите PC Planet и Neocom и ги тестиравме наместо вас.