Вообичаено е нашето интересирање да го задржуваат и да го привлекуваат уреди за најразлична намена кои претставуваат "бисери" на технологијата или ако сакате "крем" на светската понуда. Почнувајки од врвните нови, па и револуционерни, технологии и решенија до безбројните можности и удобности, завршувајќи со уникатен дизајн и изработка, овие творби не знаат за ништо друго освен беспрекорност и врвен квалитет. Доколку ова се однесува на толку популарните мултимедијални DVD-плеери, работата станува неверојатно заплеткана, но интересна. Можностите што ги нуди оваа нова технологија ги натера буквално сите, од најголемите индустриски гиганти до најмалите "езотерични" мануфактури да се зафатат сериозно со работа и да понудат новитети кои го одземаат здивот.