Сè посигурно е дека и во Битола е достигнат врвот на пролетниот бран на епидемијата. Ефективниот репродукциски број Rt, седумдневно усреднет, веќе изнесува околу 0,99, а подвижната средина на дневниот број нови случаи (жолтата линија на првиот дијаграм) бележи реско намалување. Затворањето на кафулињата дојде во вистински час, но штета е што моравме да дојдеме дотука без никаква потреба. Од друга страна, ако мерките беа воведени порано, тогаш бројките, иако побавно, сепак ќе растеа, па населението ќе велеше дека кафеаните биле залудно затворени. Вака маркетиншки испаѓа убаво, но платена е превисока цена.