Технолошките стартапи ќе бидат воодушевени од веста дека ветеранот на ризичниот капитал од Силиконската долина (VC) General Catalyst е на повидок да собере 6 милијарди американски долари за поддршка на нови компании. Веста доаѓа непосредно по најавата на Андресен Хоровиц (Andreessen Horowitz), уште еден голем VC играч, за нов инвестициски фонд од 7,2 милијарди американски долари. Се работи за едни од најголемите суми од прибирање финансиски средства во последните години, кои доаѓаат во време кога VC секторот минува низ затишје, при што вкупните светски инвестиции се намалени од 644 милијарди американски долари во 2021 година на 286 милијарди американски долари во 2023 година.

Веќе некое време знаевме дека на половите на Марс и под неговото тло има мраз, но сѐ уште не беше јасно дали мраз може да опстои и на површината од остатокот од Црвената планета. Со доаѓањето на зимата на Марс, врвовите на неговите најголеми вулкани осамнаа покриени со мраз – уште еден пример за вода достапна на Црвената планета

Дали гума за џвакање може да ви помогне полесно да го завршите средното училиште? Не! Ама, навистина не! A сепак... одредени мали, но интересни истражувања се чини дека го потврдуваат впечатокот што многумина го имаат – дека мастиките промовираат концентрација, особено при учењето. Оваа неочекувана помош е опишана во истражувањето објавено во British Journal of Psychology, кое предлага дека гумата за џвакање може да помогне во одржување на концентрацијата за подолго време при активности кои бараат постојано внимание.

Дали е на повидок нов градежен тренд инспириран од животинскиот свет? Асоцијацијата на прв поглед се чини претерана, но изградбата на објекти со намерно проектирани структурни слабости може да помогне да се спречи катастрофален колапс во случај на земјотрес – иновација инспирирана од „слабите точки“ во опашката на гуштерот што тој намерно ја отфрла за да се спаси од предатори.